Aldur: 14 / 15 ára

Tímalengd: 23 dagar

Lýsing: Unglingabúðir eru sumarbúðir með svipuðu sniði og fyrir 11 ára, nema að unglingarnir eru með í ráðum um stjórn búðanna og leikina sem farið er í. Í unglingabúðum er fyrirfram ákveðið þema til að auka skilning unglinganna á þeim málefnum sem eru efst á baugi í heiminum í dag. Í unglingabúðum er farið í leiki sem reyna á samskiptahæfileika þeirra og sjálfstæða hugsun. Í unglingabúðum er mikið um hlutverka- og hermileiki, þar sem líkt er eftir þjóðfélagi eða aðstæðum sem geta skapast, svo sem fötlun, ríkidæmi gegn fátækt eða stríði og friði. Unglingarnir fá að reyna hvernig það er að lenda í slíkum aðstæðum. Mikil áhersla er lögð á umræður eftir slíka leiki til að unglingarnir geti sjálfir rætt þær aðstæður sem þau upplifðu og sagt sína skoðun á því sem gerðist í þjóðfélaginu sem þau bjuggu sér til.

Kostnaður: Fargjald unglings, ¼ fargjalds fararstjóra, gjald til CISV og kostnaður við undirbúning

Búið er að opna fyrir umsóknir fyrir sumarið 2026

Step up - 14 og 15 ára

Börn fædd milli 1. september 2011 - 31. ágúst 2012 (14. ára)

Noregur - Troms 19.júní - 11.júlí - 2 strákar og 2 stelpur

Börn fædd milli 1. september 2010 - 31.ágúst 2011 (15. ára)

Ítalía - Cortina 10. júlí - 1. ágúst - 2 strákar og 2 stelpur